Admen

АЛЕКСАНДРА КИРШ, ХЕНКЕЛ: Ако вашиот инфлуенсер е премногу добар - внимавајте!

20 ное 2018

Имате инфлуенсер што прикажува нагли скокови во посетите, живее во вашата земја, а голем дел од неговите фанови се од Русија, Блискиот Исток или Кина.

Тоа воопшто не треба да ве радува, доколку му плаќате да го популаризира вашиот бренд. Напротив, тоа отвора место за загриженост, зашто голема е можноста да се работи за лажни фанови.

Ова е дел од советите што Александра Кирш, менаџерка за социјални медиуми во германската компанија „Хенкел“ ги истакна на неодамнешната Конференција за инфлуенсер-маркетинг што во организација на магазинот „Adweek“ се одржа во Лос Анџелес.

„Доколку податоците се премногу добри за да бидат вистинити, тогаш работата е сомнителна“, смета Кирш.

Менаџерката за социјални медиуми истакна дека не е лесна борбата против измамите во маркетингот со инфлуенсери.

Морате да застанете против лажните фанови, ботовите и измамите. Морате да бидете над нив, зашто во спротивно вашиот бренд ќе стане ранлив“, смета Кирш.

Во рамките на конференцијата таа додаде дека лажните фанови не се единствената грижа на брендовите, кога станува збор за рекламирање преку инфлуенсери.

„Брендовите со причина инвестираат во инфлуенсери. Целта им е да добијат глас и публика. Сепак треба да бидат и во можност да ја прегледаат инфлуенсерската содржина пред да биде објавена јавно“, вели Кирш.

Менаџерката не препорачува ангажирањето инфлуенсери да биде главна стратегија. Наместо тоа, таа смета дека инфлуенсерите треба да бидат само тактика, дел од поголем медиумски план.

Според Кирш, во овој вид маркетинг, целта не се оние инфлуенсери што имаат најмногу фанови, туку инфлуенсерите што околу себе имаат заедница за којашто се грижат и којашто е автентично ангажирана.

Од тие причини таа им препорачува на маркетерите што сакаат да бележат успеси, да ангажираат инфлуенсери од различни бранши и полиња на интерес (т.н. привлекувачи на голем број корисници, од една страна, и инфлуенсери што покажуваат лична грижа за потрошувачите).

„Земете ги во предвид анализите и проучете ги. Сето тоа што не е од значење за брендот, можете да го отстраните со двојно намалување на буџетот за инфлуенсери“, препорача Кирш.

(AdToDate.mk/ Извор: Adweek.com)




Слична содржина

Оставете коментар

CAPTCHA code
Слична содржина
Напишавме